വിദേശികള്‍ ഏറ്റവുമധികം ഇഷ്‌ടപ്പെടുന്ന കേരളീയ വിഭവം ഏത്‌? സംശയം വേണ്ട,
കരിമീന്‍ പൊള്ളിച്ചത്‌ തന്നെ. ആലപ്പുഴയിലും കുമരകത്തും കൊല്ലത്തുമൊക്കെ
എത്തുന്ന സഞ്ചാരികള്‍ക്ക്‌ ഏറെ പ്രിയങ്കരമാണ്‌ കരിമീന്‍ പൊള്ളിച്ചത്‌.
വിദേശീയര്‍ക്കും സ്വദേശീയര്‍ക്കും ഏറെ പ്രിയങ്കരമായതിനാലാണ്‌ കേരളത്തിന്റെ
ഔദ്യോഗിക മല്‍സ്യമായി കരിമീന്‍ തിരഞ്ഞെടുക്കപ്പെട്ടത്‌.കരിമീന്‍ വളര്‍ത്തലിനും മറ്റുമായി പ്രത്യേക പദ്ധതികളാണ്‌ സംസ്ഥാന
സര്‍ക്കാര്‍ ആവിഷ്‌ക്കരിച്ചിട്ടുള്ളത്‌. ഏറെ സ്വാദിഷ്‌ഠമായ കരിമീന്‍
പൊള്ളിച്ചത്‌ തയ്യാറാക്കുന്നത്‌ എങ്ങനെയെന്ന്‌ നോക്കാം.
2. വാഴയില (തൂശനില) രണ്ട്
3. ഇഞ്ചി ഒരു കഷണം
4. ചുവന്നുള്ളി 50 ഗ്രാം
5. പച്ചമുളക് നാല്
6. കറിവേപ്പില മൂന്ന് തണ്ട്
7. മുളകുപൊടി ഒന്നര ടീസ്പൂണ്‍
8. മഞ്ഞള്‍പൊടി കാല്‍ ടീസ്പൂണ്‍
9. വെളിച്ചെണ്ണ ആവശ്യത്തിന്
10. ഉപ്പ് പാകത്തിന്
കരിമീന്‍ വൃത്തിയായി വരഞ്ഞുവെക്കുക. ഉപ്പ്, മഞ്ഞള്‍പൊടി, മുളകുപൊടി എന്നിവ അര ടീസ്പൂണ്‍ എണ്ണയും ചേര്‍ത്ത് അല്പം വെള്ളത്തില്‍ കുഴച്ച് മീനില്‍ പുരട്ടുക. ഒരു ഫ്രൈയിങ് പാനില്‍ ഒരു തൂശനില വെച്ച് അതില്‍ മീന്‍ നിരത്തിവെക്കുക. ഇഞ്ചി, പച്ചമുളക്, ചുവന്നുള്ളി, കറിവേപ്പില എന്നിവ ഒരു നുള്ള് ഉപ്പും ചേര്‍ത്ത് ചതച്ച് മീനിന്റെ മുകളില്‍ നിരത്തുക. അര ടീസ്പൂണ്‍ എണ്ണ അതിനു മീതെ ചുറ്റിച്ചൊഴിക്കുക. അതിനു മീതെ അടുത്ത തൂശനില വെച്ചശേഷം പാത്രം കൊണ്ട് മൂടി മൂന്നുനാലു മിനുട്ട് ചെറുതീയില്‍ വേവിക്കുക. അപ്പോഴേക്കും നല്ലൊരു മണം വന്നുതുടങ്ങും. ഇനി മുകളിലത്തെ ഇല മാറ്റി തിരിച്ചിട്ടതിനുശേഷം ബാക്കി എണ്ണ മീനിനു മുകളില്‍ ഒഴിച്ച് ഇലകൊണ്ട് മൂടി വീണ്ടും മൂന്നുമിനുട്ട് വേവിച്ചശേഷം ഇലയോടെ വിളമ്പാം.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ